kyawoo.com

ရေအခက်အခဲတွေ့နေသောဒေသများတွင်ပင်လယ်ရေပြင်ကို မြင်နေရသော်လည်း သောက်သုံးရေအတွက် ရပ်ဝေးရပ်နီးမှရေကို မှီခိုအားကိုးရသည့် မြန်မာ့ကမ်းရိုးတန်းမြို့ရွာများလည်း ပါဝင်သည်။ အဆိုပါမြို့ရွာများအတွက် ကမ်းရိုးတန်းရေလှောင်ကန်တည်ဆောက်ရန် ဖြစ်နိုင်သည့်နေရာများကို ရှာဖွေ ဖော်ထုတ် တည်ဆောက်ပေးသင့်သည်။ ကမ်းရိုးတန်းရေလှောင်ကန်သည် နိုင်ငံ့အခြေအနေနှင့် လိုက်လျောညီထွေ ရှိသည့်အပြင် မိုင် ၁၂၀၀ ခန့်ရှည်လျားသည့် မြန်မာ့ကမ်းရိုးတန်းတွင် ယင်းကန်မျိုး ဆောက်လုပ်နိုင်သည့်နေရာ အများအပြားရှိသော်လည်း လက်တွေ့ ဖော်ထုတ်အသုံးချခြင်းမရှိသေးပေ။ ကမ်းရိုးတန်းဟိုတယ်နှင့် အပန်းဖြေစခန်းများတွင်လည်း ကမ်းရိုးတန်းရေလှောင်ကန် တည်ဆောက်ရန် စဉ်းစားသင့်သည်။ ကမ်းခြေများတွင်သာမက ကျွန်းများပေါ်တွင်ပါ ယင်းကန်မျိုးတည်ဆောက်ရန် သင့်လျော်သော နေရာများရှိရာ အကောင်အထည်ဖော်ပါက သောက်သုံးရေအတွက် သာမက ရေကူး၊ လှေလှော်၊ ရွက်လွှင့် စသည့် အပန်းဖြေ အားကစားများကိုပါ ပူးတွဲလုပ်ဆောင်နိုင်သည်။ ယင်းရည်ရွယ်ချက်ဖြင့် တည်ဆောက်ထားသည့် စင်ကာပူMarina Barrage…

ရေအခက်အခဲကိုဖြေရှင်းရာတွင် မှန်ကန်သောရေဘက်ဆိုင်ရာစီမံခန့်ခွဲမှုက အရေးပါသည်။ ရေရယူရေး၊ သန့်စင်ရေး၊ ပေးဝေရေးစနစ်များကို ပုံစံထုတ်ရာတွင် အတိတ်နှင့်ပစ္စုပ္ပန် မိုးရွာခြင်း မိုးခေါင်ခြင်း၊ သုံးစွဲနှုန်း နှင့်သုံးစွဲသည့်ပုံစံ၊ မြစ်ရေ ကန်ရေ မြေအောက်ရေပမာဏနှင့် အရည်အသွေးစသည်တို့ကို ထည့်သွင်း စဉ်းစားပြီး လာမည့်နှစ်ပေါင်း သုံးလေးဆယ်အတွင်း ဖြစ်လာနိုင်သည်တို့ကို ကြိုတင်တွက်ချက်ကာ အခြေခံ အဆောက်အအုံများကို တည်ဆောက်ကြရသည်။ ယခုအခါရာသီဥတုပြောင်းလဲခြင်းကြောင့် ယခင်က လိုက်နာကျင့်သုံးခဲ့သည့် ရေဘက်ဆိုင်ရာ အခြေခံ ယူဆချက်များ၏ မှန်ကန်ခိုင်လုံမှုသည် မေးခွန်းထုတ်စရာ ဖြစ်လာနေသည်။ ကမ္ဘာ့ရေအရင်းအမြစ်ကို လေ့လာရာတွင် အသုံးပြုကြသည့် တည်ငြိမ်မှုသီဝရီသည် မှန်ကန်မှုရှိမှရှိပါတော့မလားဟု ရေဘက်ဆိုင်ရာ ထိပ်သီးပညာရှင် ခုနစ်ဦးက ၂၀၀၈ ခုနှစ်တွင် မေးခွန်းထုတ်ခဲ့ကြသည်။ တည်ငြိမ်မှုသီဝရီအရ သဘာဝစနစ်ကြီးသည် အကန့်အသတ်ရှိသော နယ်နိမိတ်များထဲတွင်သာ ရွေ့လျားကြ၊…